ខេត្តព្រះសីហនុ៖ កម្លាំងនគរបាលជំនាញប្រឆាំងគ្រឿងញៀន នៃអធិការដ្ឋាននគរបាលស្រុកព្រៃនប់ សហការជាមួយប៉ុស្តិ៍នគរបាលរដ្ឋបាលឃុំបឹងតាព្រហ្ម បានឃាត់ខ្លួន ជនសង្ស័យម្នាក់ កាលពីថ្ងៃទី ១៥ ខែតុលា ឆ្នាំ២០២១ វេលាម៉ោង ១៣និង០០នាទី នៅថ្ងៃទី១៦ ខែតុលា ឆ្នាំ២០២១។
ដោយមានការដឹកនាំបញ្ជា ពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងនគរបាលជំនាញប្រឆាំងគ្រឿងញៀន នៃអធិការដ្ឋាននគរបាលស្រុកព្រៃនប់ សហការជាមួយប៉ុស្តិ៍នគរបាលរដ្ឋបាលឃុំបឹងតាព្រហ្ម បានធ្វើប្រតិបត្តិការបង្ក្រាបករណីគ្រឿងញៀន ក្នុងនោះមានជនសង្ស័យចំនួន ០១នាក់ ត្រូវបានឃាត់ខ្លួន។
ជនសង្ស័យឈ្មោះ យូ រី (ហៅ ដូច) ភេទប្រុស អាយុ ១៨ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន ភូមិបឹងតាស្រី ឃុំបឹងតាព្រហ្ម ស្រុកព្រៃនប់ ខេត្ដព្រះសីហនុ។
វត្ថុតាងដកហូតបានរួមមាន៖ -ម្សៅក្រាម ព៌ណសថ្លា សង្ស័យសារធាតុញៀន ០៦ កញ្ចប់តូច, -ទូរស័ព្ទដៃ ០១គ្រឿង។
បច្ចុប្បន្នជនសង្ស័យខាងលើ រួមទាំងវត្ថុតាង ត្រូវបាននគរបាលជំនាញបញ្ជូនមក អធិការដ្ឋាននគរបាលស្រុកព្រៃនប់ ដើម្បីចាត់ការតាមនីតិវិធី៕
