កំពង់ចាម៖ យោងតាមអគ្គស្នងការនគបាលជាតិ បានឱ្យដឹងថា ជនសង្ស័យ៦នាក់ ត្រូវបានកម្លាំងជំនាញ ប្រឆាំងគ្រឿងញៀន ខេត្តកំពង់ចាម ដោយបានការឯកភាពពីលោក សុធា ពិសិដ្ឋ ព្រះរាជអាជ្ញារង នៃអយ្យការអមសាលាដំបូងខេត្តកំពង់ចាម ស្រាវជ្រាវនិងឃាត់ខ្លួនបានជាបន្តបន្ទាប់ នៅថ្ងៃទី១៧ ខែតុលា ឆ្នាំ២០២១។
តាមរបាយការណ៍របស់នគរបាលជំនាញ បានឲ្យដឹងថា បន្ទាប់ពីទទួលបានព័ត៌មានពីជនសង្ស័យ ដែលបង្គ្រាបបានកាលពីថ្ងៃទី១៦ ខែតុលា ឆ្នាំ២០២១ នៅស្រុកកោះសូទិន លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចាត់បញ្ជាឲ្យកម្លាំងជំនាញការិយាល័យប្រឆាំងគ្រឿងញៀនខេត្ត រួមជាមួយកម្លាំងជំនាញ នៃអធិការដ្ឋាននគរបាលស្រុកកោះសូទិន, កម្លាំងជំនាញ នៃអធិការដ្ឋាននគរបាលស្រុកស្រីសន្ធរ កម្លាំងប៉ុស្ដិ៍នគរបាលរដ្ឋបាលព្រែកតានង់ និងកម្លាំងប៉ុស្ដិ៍នគរបាលរដ្ឋបាលមហាខ្ញូង ដឹកនាំដោយលោកឧត្តមសេនីយ៍ត្រី ជីវ សេងរស់ ស្នងការរងទទួលផែនការងារប្រឆាំងគ្រឿងញៀន បានបើកកិច្ចប្រតិបត្តិការចុះបង្ក្រាប ករណី ជួញដូរ និងប្រើប្រាស់ ដោយខុសច្បាប់នូវសារធាតុញៀនចំនួន ០១ករណី (ដោយប្រើវិធានញុះញង់) ឃាត់ខ្លួនជនសង្ស័យសរុបបានចំនួន ០៦នាក់។
ជនសង្ស័យ ១.ឈ្មោះ កីង ជៀកឡេង ភេទប្រុស អាយុ ២១ឆ្នាំ ជាតិខ្មែរ មុខរបរ រោងចក្រ មានទីលំនៅ ភូមិមហាខ្ញូង ឃុំមហាខ្ញូង ស្រុកកោះសូទិន ខេត្តកំពង់ចាម ជាមុខសញ្ញាមានថ្នាំញៀនចំនួន (០៤កញ្ចប់)។
តាមចម្លើយសារភាពរបស់ជនសង្ស័យខាងលើ បានឆ្លើយសារភាពថា ខ្លួនមានបក្ខពួកម្នាក់ទៀត ពេលនោះសមត្ថកិច្ចក៏បានឃាត់ខ្លួនជនសង្ស័យបានម្នាក់ទៀត
២.ឈ្មោះ ហាប វិផា ភេទប្រុស អាយុ ២៦ឆ្នាំ ជាតិខ្មែរ មុខរបរ ជាងជួសជុលរថយន្ដ មានទីលំនៅភូមិអង្គរជ័យលើ ឃុំមហាខ្ញូង ស្រុកកោះសូទិន ខេត្តកំពង់ចាម។
ក្រោយមក ក៏មានមុខសញ្ញាប្រើប្រាស់ថ្នាំញៀនបានទូរស័ព្ទមកទិញពីឈ្មោះ ហាប វិផា ពេលនោះសមត្ថកិច្ច បានឃាត់ខ្លួនជនសង្ស័យបានចំនួន ០២នាក់ទៀត ៖
៣.ឈ្មោះ សូ ទិត្យ ភេទប្រុស អាយុ ២២ឆ្នាំ ជាតិខ្មែរ មុខរបរ កសិករ មានទីលំនៅភូមិព្រែកតានង់កើត ឃុំព្រែកតានង់ ស្រុកកោះសូទិន ខេត្តកំពង់ចាម។
៤.ឈ្មោះ ឡោ សុភ័ក្ដ្រ ភេទប្រុស អាយុ ២៤ឆ្នាំ ជាតិខ្មែរ មុខរបរ កសិករ មានទីលំនៅភូមិព្រែកយានង់ទី៤ ឃុំព្រែកតានង់ ស្រុកកោះសូទិន ខេត្តកំពង់ចាម។
ក្រោយមកសមត្ថកិច្ចបានឃើញមុខសញ្ញាជួញដូរថ្នាំញៀន ពេលនោះសមត្ថកិច្ចបានឃាត់ខ្លួនជនសង្ស័យបានចំនួន ០១នាក់ទៀត÷
៥.ឈ្មោះ រ៉ ហ្វាត ភេទប្រុស អាយុ២៥ឆ្នាំ ជាតិខ្មែរឥស្លាម មុខរបរ នេសាទ មានទីលំនៅភូមិព្រែកតានង់ទី១១ ឃុំព្រែកតានង់ ស្រុកកោះសូទិន ខេត្តកំពង់ចាម *ជាមុខសញ្ញាមានថ្នាំញៀនចំនួន (០១កញ្ចប់)។
តាមចម្លើយសារភាពរបស់ជនសង្ស័យបានឆ្លើយប្រាប់សមត្ថកិច្ចថា ថ្នាំញៀនបានមកពីបងរបស់ខ្លួន ពេលនោះសមត្ថកិច្ចបានបន្តទៅឃាត់បានជនសង្ស័យម្នាក់ទៀត÷
៦.ឈ្មោះ ម៉ូ សា ភេទប្រុស អាយុ ៣១ឆ្នាំ ជាតិខ្មែរ មុខរបរ នេសាទ មានទីលំនៅភូមិព្រែកតានង់ទី១១ ឃុំព្រែកតានង់ ស្រុកកោះសូទិន ខេត្តកំពង់ចាម។
ជនសង្ស័យទាំង០៦នាក់ខាងលើ បានធ្វើតេស្តសំណាកកូវីដ-១៩ ជាលទ្ធផល អវិជ្ជមានទាំង ០៦នាក់។
ដកហូតវត្ថុតាងរួមមាន ៖ ម្សៅក្រាមពណ៌សសង្ស័យជាថ្នាំញៀនចំនួន (០៥កញ្ចប់) និងទូរស័ព្ទដៃចំនួន ០៦គ្រឿង។
លះរហូតមកដល់ថ្ងៃទី១៧ ខែតុលា ឆ្នាំ២០២១ តាមចម្លើយសារភាពរបស់ជនសង្ស័យខាងលើ សមត្ថកិច្ចបានបន្តសហការជាមួយកម្លាំងជំនាញ នៃអធិការដ្ឋាននគរបាលស្រុកមុខកំពូល ខេត្តកណ្តាល បានឃាត់ខ្លួនជនសង្ស័យនៅចំណុចភូមិកោះរកា ឃុំព្រែកអញ្ចាញ ស្រុកមុខកំពូល ខេត្តកំពង់ចាម បានចំនួន ០១នាក់ទៀត ឈ្មោះ ឃាង ឆេង ហៅ ជីង ភេទប្រុស អាយុ៤០ឆ្នាំ ជាតិខ្មែរ មុខរបរ ជាងអ៊ុតសក់ មានទីលំនៅភូមិព្រែករំដេង(គ) ឃុំព្រែករំដេង ស្រុកស្រីសន្ធរ ខេត្តកំពង់ចាម បច្ចុប្បន្នស្នាក់នៅសង្កាត់ទួលសង្កែ ខណ្ឌឬស្សីកែវ រាធានីភ្នំពេញ ជាមុខសញ្ញាមានថ្នាំញៀនចំនួន ០២កញ្ចប់។
ជនសង្ស័យខាងលើ បានធ្វើតេស្តសំណាកកូវីដ-១៩ ជាលទ្ធផល អវិជ្ជមាន។
ដកហូតវត្ថុតាងរួមមាន៖ ម្សៅក្រាមពណ៌សសង្ស័យជាថ្នាំញៀនចំនួន (០២កញ្ចប់) និងទូរស័ព្ទដៃចំនួន២គ្រឿង៕