ភ្នំពេញ៖ ពិតជាថ្លើមធំមែន មានជនខិលខូច ហ៊ានបង្កើតប្រព័ន្ធតេឡេក្រាម ក្លែងបន្លំជាលោកស្រី ហ៊ុន ស៊ីណាត ប្អូនស្រីសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ។
តាមរយៈបណ្ដាញសង្គមហ្វេសប៊ុក កាលពីថ្ងៃទី៩ វិច្ឆិកា លោកស្រី ហ៊ុន ស៊ីណាត បានសរសេររៀបរាប់ថា «នាងខ្ញុំមានជនអនាមិក ខិលខូចក្លែងបន្លំបង្កើត ជាប្រពន្ធ័តេឡេក្រាម ( telegram) ដោយប្រើប្រាស់ឈ្មោះរបស់នាងខ្ញុំ Hun Sinath ។ ដូច្នេះសូមបងប្អូនកូនក្មួយ មេត្តាកុំយល់ច្រឡំ ព្រោះតេឡេក្រាមពិតរបស់ខ្ញុំ មានភ្ជាប់ជាមួយលេខទូរសព្ទ័ របស់នាងខ្ញុំដែលប្រើប្រាស់ជាប្រចាំ» ។
ជាមួយគ្នានោះលោកស្រី ហ៊ុន ស៊ីណាត ក៏បានបដិសេដ្ឋដាច់ខាត និងសូមឲ្យជនខិលខូចទាំងនោះ បញ្ឈប់ជាបន្ទាន់ នៅទង្វើបោកប្រាស់ ដោយគ្មានសីលធម៍នេះ ហើយលោកស្រីក៏មិនទទួលខុសត្រូវ ចំពោះតេឡេក្រាមក្លែងក្លាយ ដើរបោកបញ្ឆោតប្រជាជន ចាប់ពីពេលផ្សាយដំណឹងនេះតទៅ ៕
![](https://i0.wp.com/champeynews.com/wp-content/uploads/2021/11/Capture.jpg?resize=696%2C607&ssl=1)
![](https://i0.wp.com/champeynews.com/wp-content/uploads/2021/11/252742292_3041059056106474_2049500599162645833_n.jpg?resize=591%2C569&ssl=1)
![](https://i0.wp.com/champeynews.com/wp-content/uploads/2021/11/255010012_3041059066106473_6093549823754485046_n.jpg?resize=417%2C906&ssl=1)