ខេត្តបាត់ដំបង៖ កាលពីថ្ងៃទី១១ ខែវិច្ឆិកា ឆ្នាំ២០២១ វេលាម៉ោង១៦:០០នាទី នៅចំណុចក្រុមទី៣ ភូមិចុងពរ ឃុំព្រៃត្រឡាច ស្រុករុក្ខគិរី ខេត្តបាត់ដំបង កម្លាំងផ្នែកប្រឆាំងគ្រឿងញៀន សហកាជាមួយកម្លាំងផ្នែកព្រព្រហ្មទណ្ឌនៃអធិការដ្ឋាននគរបាលស្រុករុក្ខគិរី ដឹកនាំដោយលោកវរសេនីយ៍ឯក ឆាយ ម៉ាប់ អធិការនគរបាលស្រុករុក្ខគិរី ចុះប្រតិបត្តិការបង្រ្គាបករណី រក្សាទុកដោយខុសច្បាប់នូវសាធាតុញៀន ១ករណី ក្នុងបទល្មើសជាក់ស្តែង និងឃាត់ខ្លួនជនសង្ស័យបាន ចំនួន១នាក់។
សមត្ថកិច្ចបានឲ្យដឹងថា ជនសង្ស័យមានឈ្មោះញ៉ែញ វិចិត្ត ភេទប្រុស អាយុ២៩ឆ្នាំ មានទីលំនៅភូមិព្រៃស្វាយ ឃុំព្រៃស្វាយ ស្រុកមោងប្ញស្សី ខេត្តបាត់ដំបង។
វត្ថុតាងចាប់យកបានរួមមាន៖ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ៤ថង់ ទម្ងន់ ៣.៥០ក្រាម (ទាំងសំបក)ទូរស័ព្ទដៃចំនួន ១គ្រឿង។
បច្ចុប្បន្ន ជនសង្ស័យរួមនិងវត្ថុតាងបានកំពុងរៀបចំសំណុំរឿងបញ្ជូនទៅតុលាការខេត្តបាត់ដំបងចាត់ការតាមច្បាប់៕
![](https://i0.wp.com/champeynews.com/wp-content/uploads/2021/11/96.jpg?resize=696%2C397&ssl=1)
![](https://i0.wp.com/champeynews.com/wp-content/uploads/2021/11/98.jpg?resize=696%2C392&ssl=1)
![](https://i0.wp.com/champeynews.com/wp-content/uploads/2021/11/99.jpg?resize=696%2C392&ssl=1)
![](https://i0.wp.com/champeynews.com/wp-content/uploads/2021/11/100.jpg?resize=696%2C1237&ssl=1)