ខេត្តបាត់ដំបង៖ លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង នៅថ្ងៃទី១៧ ខែវិច្ឆិកា ឆ្នាំ២០២១ វេលាម៉ោង១៨:៤៥នាទី បានដឹកនាំកម្លាំងជំនាញផ្នែកប្រឆាំងគ្រឿងញៀននៃអធិការដ្ឋាននគរបាលក្រុងបាត់ដំបង ចុះប្រតិបត្តិការ បង្រ្កាប ករណីរក្សាទុកដោយខុសច្បាប់នូវសារធាតុញៀន១ ករណី ក្នុងបទល្មើសជាក់ស្តែង នៅចំណុច ភូមិកាប់គោថ្មី សង្កាត់អូរចារ ក្រុងបាត់ដំបងខេត្តបាត់ដំបង និងឃាត់ខ្លួនជនសង្ស័យ បានចំនួន០១នាក់ ឈ្មោះ សុខ សំណាង ភេទប្រុស អាយុ១៦ឆ្នាំ មានទីលំនៅភូមិកាប់គោថ្មីសង្កាត់អូរចារ ក្រុងបាត់ដំបង ខេត្តបាត់ដំបង ។
វត្ថុតាងចាប់យកបានរួមមាន៖ ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន០២ថង់ សង្ស័យមានសារធាតុញៀន(ទម្ងន់ ១,៧៣ក្រាម ទាំងសំបក) និងទូរស័ព្ទដៃចំនួន០១ គ្រឿង ។
ជនសង្ស័យ និងវត្ថុតាង បច្ចុប្បន្នសមត្ថកិច្ចនគរបាលក្រុងកំពុងរៀបចំសំណុំរឿងបញ្ជូនមកការិយាល័យជំនាញនៃស្នងការដ្ឋាននគរបាលខេតបាត់ដំបងអនុវត្តតាមច្បាប់៕