មេបញ្ជាការ​កង​ពលតូចលេខ៧០ចាត់ទុក ការងារ​ហ្វឹកហ្វឺន​ដើរតួនាទីជាយុទ្ធសាស្រ្តសម្រាប់​ការពារជាតិ

0
6

ភ្នំពេញ​៖ លោកឧត្តមសេនីយ៍ឯក ម៉ៅ​ សុផាន់ មេបញ្ជាការកងពលតូចលេខ៧០ បានមានប្រសាសន៍ថា ការងារ​ហ្វឹកហ្វឺន​បានដើរតួនាទីជាយុទ្ធសាស្រ្តយ៉ាងសំខាន់ សម្រាប់​ការពារជាតិ។​

នៅថ្ងៃទី​១៩ ខែវិច្ឆិកា​​ ឆ្នាំ​២០២០ ក្នុង​ពិធី​សំណេះសំណាល    វាយតម្លៃការងារ និងត្រួតពិនិត្យការសាកល្បងបាញ់គ្រាប់ពិតរបស់យោធិនដែលកំពុងតែ​ហ្វឹកហ្វឺន​បណ្តុះបណ្តាលបេីកបរជំនាញ​រថក្រោះ​ T55 និងជំនាញរថពាសដែក BMP1 នៅសាលាហ្វឹកហ្វឺនតេជោសែន ជុំគិរី របស់កងពល​តូច​លេខ​៧០      នា ខេត្តកំពតលោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការកងពលតូចលេខ៧០
បានមានប្រសាសន៍ថា ការងារ​ហ្វឹកហ្វឺន​បានដើរតួនាទីជាយុទ្ធសាស្រ្តយ៉ាងសំខាន់ សម្រាប់​ការពារជាតិ តាមរយៈ​ការផ្តល់ចំណេះដឹង និងពុទ្ធិដល់កងទ័ព ជាពិសេស​យោធិន​វ័យក្មេង  ដែលជាអ្នកបន្តវេនជំនាន់ក្រោយ។

លោកមេបញ្ជាការបានបន្ថែមថា ផែនការហ្វឹកហ្វឺន បានបន្តជម្រុញអោយយោធិនមានសមត្ថភាព និងគុណភាពហ្វឹនហ្វឺន បង្កើនសមត្ថភាពដល់កងទ័ពអោយបានយល់ដឹងកាន់តែច្បាស់ និងស្ទាត់ជំនាញ ក្នុង​ការបញ្ជាបាញ់គ្រាប់អោយបានល្អ និង        ចំគោលដៅ មានសមត្ថភាពខ្ពស់ក្នុងការប្រើប្រាស់សម្ភារ: គ្រឿង​បំពាក់ត្រូវតាមលក្ខណៈបច្ចេកទេសឆ្លើយតបទៅនឹងតម្រូវការចាំបាច់តាមភារកិច្ចដែលបានចាត់តាំងរបស់កងយោធពលខេមរភូមិន្ទប្រកបដោយភាពទទួលខុសត្រូវជានិច្ច៕

LEAVE A REPLY

Please enter your comment!
Please enter your name here