ត្រៀមៗ! រដ្ឋមន្ត្រី ប្រកាសហើយថា ទោះជួបវិបត្តិកូវីដ១៩ តែការប្រឡងបាក់ឌុប នៅរឹតបន្ដឹងដដែល

0
6

ភ្នំពេញ ៖ លោក ហង់ជួន ណារ៉ុន រដ្ឋមន្ដ្រីក្រសួងអប់រំ យុវជននិងកីឡា បានបញ្ជាក់ថា ការប្រឡងសញ្ញាបត្រមធ្យមសិ ក្សាទុតិយភូមិ (បាក់ឌុប) ដែលនឹងប្រព្រឹត្តទៅ នៅថ្ងៃទី២១ ខែធ្នូ ឆ្នាំ២០២០ ខាងមុខនេះ ត្រូវបន្ដរឹតបន្ដឹងដដែលដូចឆ្នាំ មុនៗ ធ្វើយ៉ាងណាកុំឲ្យមានការរើសអើងរវាងសិស្ស ប្រឡងសម័យគ្មានកូវីដ-១៩ និងសម័យមានកូវី ដ-១៩។

ក្នុងសន្និសីទសារព័ត៌មាន ស្តីពីការប្រកាសបើកសាលារៀន និងបើកស្តាតអូឡាំពិក ឲ្យដំណើរការដូចធម្មតាវិញបន្ទាប់ពី សម្រេចផ្អាក និងបិទជាបណ្តោះអាសន្ន ដោយសារព្រឹត្តិការណ៍ ៣ ខែវិច្ឆិកា នៅថ្ងៃទី១៩ ខែវិច្ឆិកា ឆ្នាំ២០២០ លោក ជួន ណារ៉ុន បានថ្លែងថា «យើងមិនចង់ឲ្យមានការរើសអើងរវាង សញ្ញាបត្រកូវីដ និងសញ្ញាបត្រមិនកូវីដ ដូច្នេះ ក្រសួង តម្រូវគ្រឹះស្ថានសិក្សាអនុវត្តកម្មវិធីសិក្សាឲ្យបានពេញលេញ ហើយផ្ដល់រយ:ពេលចំនួន៣ខែឲ្យគាត់រៀនបន្ថែមទៀត ។ ក្នុងរយ:ពេល៣ខែនេះ យើងបានគិតគូររួចហើយថា ប្រសិនបើសិស្សគាត់សិក្សាបានហ្មត់ចត់ និងបានម៉ឺងម៉ាត់ បូកជាមួ យគាត់ រៀនជាមួយអនឡាញទៀត អីចឹងមានពេលគ្រប់គ្រាន់ ដើម្បីអាចមានសមត្ថភាពប្រឡងបាន»។

លោកបន្ដថា អ្វីដែលក្រសួងអប់រំផ្ដល់ឲ្យសិស្សានុសិស្ស បានសិក្សាក្នុងរយ:ពេល៣ខែបន្ថែមទៀតនោះ គឺគ្រប់គ្រាន់ស ម្រាប់សិស្សានុសិស្សក្នុងការប្រឡង ហើយក្រសួងក៏មិនមានវិធានការអ្វី ដែលធ្វើឲ្យប៉ះពាល់ជាមួយការសិក្សារបស់ សិស្សានុសិស្សឡើយ។

លោកបញ្ជាក់យ៉ាងដូច្នេះថា «អីចឹងយើងរក្សាស្ដង់ដារដដែល ព្រោះអ្វី? យើងចង់ឲ្យសិស្សយើងមានសមត្ថភាពខ្ពស់ ទោះ បីមានកូវីដក្ដី មិនមានកូវីដក្ដី គាត់ចេញទៅអាចរកការងារធ្វើបាន អាចរៀនបន្ដបាន ហើយនឹងមិនមានការរើសអើងទេ នៅក្នុងសង្គមយើង»។

លោករដ្ឋមន្ដ្រី បញ្ជាក់ថា បើមិនផ្ដល់ពេលវេលាសម្រាប់សិស្សរយ:ពេល៣ខែទៀតនោះ នឹងមានការរើសអើងរវាង សញ្ញាបត្រឆ្នាំធម្មតា និងសញ្ញាបត្រសម័យកូវីដ។ ជាងនេះទៅទៀត លោករដ្ឋមន្ដ្រី ក៏បានជំរុញ សិស្សានុសិស្ស ថ្នាក់ទី១២ទាំងអស់ ត្រូវបន្ដខិតខំប្រឹងរៀនសូត្របន្ថែមទៀត ដើម្បីត្រៀមប្រឡងសញ្ញាបត្រមធ្យមសិក្សាទុតិយភូមិ ពេលខាងមុខនេះ ឲ្យទទួលបានជោគជ័យគ្រប់គ្នាផងដែរ៕

LEAVE A REPLY

Please enter your comment!
Please enter your name here