ដំណឹងល្អ!ថ្ងៃទី២៣ វិច្ឆិកា មានអ្នកជាសះស្បើយពីជំងឺកូវីដ១៩ម្នាក់ជាបុរសជនជាតិឥណ្ឌា និងគ្មានករណីឆ្លងថ្មីឡើយ

0
9

ភ្នំពេញ៖ ក្រសួងសុខាភិបាលនៃព្រះរាជាណាចក្រកម្ពុជាបានចេញសេចក្តីប្រកាសព័ត៌មានមួយអោយដឹងថា នៅថ្ងៃទី២៣ ខែវិច្ឆិកា ឆ្នាំ២០២០ គ្មានអ្នកឆ្លងកូវីដ១៩ថ្មីនិងមានអ្នកជាសះស្បើយម្នាក់ជាបុរសជនជាតិឥណ្ឌា។

ក្រសួងបញ្ជាក់ថា អ្នកជាសះស្បើយ ជាបុរសជនជាតិឥណ្ឌា អាយុ៣៣ឆ្នាំ មានអាសយដ្ឋានស្នាក់នៅសង្កាត់លេខ៤ ក្រុងព្រះសីហនុ បានធ្វើដំណើរមកពីប្រទេសឥណ្ឌា ដោយឆ្លងកាត់ប្រទេសអារ៉ាប់ប៊ីសាអូឌីត និងបន្តជើងហោះហើរនៅប្រទេសកូរ៉េខាងត្បូង មកដល់កម្ពុជា នៅថ្ងៃទី០៥ ខែវិច្ឆិកា ឆ្នាំ២០២០ លទ្ធផលតេស្តវីរុសកូវីដ១៩ ចំនួន២ដង និងត្រូវបានអនុញ្ញាតឲ្យចេញពី មន្ទីរពេទ្យមិត្តភាពខ្មែរ-សូវៀត។

សូមបញ្ជាក់ថាគិតត្រឹម ព្រឹកថ្ងៃទី២៤ ខែវិច្ឆិកា ឆ្នាំ២០២០នេះ កម្ពុជាមានអ្នកឆ្លងជំងឺកូវីដ១៩ សរុបចំនួន៣០៦ករណី ក្នុងនោះព្យាបាលជាសះស្បើយ សុរបចំនួន ២៩៦នាក់ និងកំពុងសម្រាកព្យាបាលនៅមន្ទីរពេទ្យចំនួន ១០នាក់(គ្មានអ្នកស្លាប់)៕

LEAVE A REPLY

Please enter your comment!
Please enter your name here