លោក​ ដួង​ តារា​ ត្រូវ​បាន​ព្រះ​មហាក្សត្រ​ត្រាស់​បង្គាប់​តែងតាំង​ជា​រដ្ឋ​លេខាធិការ​ នៃ​ទី​ស្ដីការ​គណៈ​រដ្ឋមន្ត្រី

0
9

ភ្នំពេញ​÷ លោក​ ដួង​ តារា​ ត្រូវ​បាន​ព្រះ​មហាក្សត្រ​នៃ​ព្រះរាជា​ណាចក្រ​កម្ពុជា​ ចេញ​ព្រះរាជ​ក្រឹត្យ​កាល​ពី​ថ្ងៃ​ទី​ ២៦​ ខែ​វិច្ឆិកា​ ឆ្នាំ​ ២០២០ត្រាស់​បង្គាប់​តែងតាំង​ជា​រដ្ឋលេខា ធិការ​នៃ​ទី​ស្ដីការ​គណៈ​រដ្ឋមន្ត្រី​បន្ថែម​លេី​មុខ​ងារ​បច្ចុប្បន្ន​ តាមសំណេីរទូលថ្វាយរបស់សម្ដេចតេជោ​ ហ៊ុន​សែន​នាយករដ្ឋមន្ត្រី​។

ជា​មួយ​នឹងការទទួលបានការដំឡេីងតំណែងនេះ​ លោក​ដួង​តារា​បានលេីកឡេីងតាមរយ:គេហទំព័រ​ហ្វេសប៊ុក​នៅថ្ងៃទី​២៧​ វិច្ឆិកា​នេះថា​ “ខ្ញុំបាទ ដួង តារា សូមគោរពថ្លែងអំណរគុណយ៉ាងជ្រាលជ្រៅជាទីបំផុតដល់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលសម្តេច បានផ្តល់តំណែងដល់រូបខ្ញុំបាទជា រដ្ឋលេខាធិការ នៃទីស្តីការគណៈរដ្ឋមន្រ្តី បន្ថែមលើមុខងារបច្ចុប្បន្ន ដែលព្រះមហាក្សត្រនៃព្រះរាជាណាចក្រកម្ពុជាបានឡាយព្រះហស្តលេខាលើព្រះរាជក្រឹត្យ នៅថ្ងៃទី២៦ ខែវិច្ឆិកា ឆ្នាំ២០២០នេះ”។

លោក​ដួង​តារា​បានបញ្ជាក់​បន្ថែម​ថា​” ក្នុងឱកាសមាស នេះខ្ញុំបាទនឹងបន្តខិតខំប្រឹងប្រែងបម្រើការងារជូន សម្តេចនាយករដ្ឋមន្រ្តី និងប្រជាពលរដ្ឋរបស់សម្តេចអោយបានល្អបំផុត។ ខ្ញុំបាទសូមលើកដៃគោរពជូនពរសម្តេចទាំងទ្វេមានសុខភាពល្អបរិបូរណ៍ អាយុយឺនយូរបំផុត ដើម្បីជាម្លប់ដឹកនាំដ៏កក់ក្តៅសម្រាប់ប្រជាពលរដ្ឋទូទាំងប្រទេស”៕

LEAVE A REPLY

Please enter your comment!
Please enter your name here