ភ្នំពេញ÷ ក្រសួងសុខាភិបាលនៅថ្ងៃទី២៩ វិច្ឆិកានេះបានប្រកាសឱ្យដឹងពីរកឃើញអ្នកប៉ះពាល់ ៥នាក់ទៀត មាន «វិជ្ជមានកូវីដ» ក្នុងនោះមានលោក ឆែម សាវុធ ជាអគ្គនាយក នៃអគ្គនាយកដ្ឋានពន្ធនាគារ នៃក្រសួងមហាផ្ទៃរួមទាំងសមាជិកគ្រួសារ៤នាក់ទៀត បានធ្វើតេស្តរកឃើញ វិជ្ជមាន កូវីដ-១៩
បន្ទាប់ពីភរិយារបស់លោក ធ្វើតេស្តរកឃើញថា មានផ្ទុកកូវីដ-១៩ នៅល្ងាចថ្ងៃទី២៨ ខែវិច្ឆិកា ។
ជាមួយគ្នានោះក្រសួងសុខាភិបាលក៏បានប្រកាស ពីការព្យាបាលជាសះស្បើយអ្នកជំងឺកូវីដ១៩ ចំនួន២នាក់ ដែលម្នាក់ជាបុរសជនជាតិខ្មែរ ដែលធ្វើដំណើរមកពីអាមេរិក និងម្នាក់ទៀត គឺជាអង្គរក្សការពារផ្ទាល់ជូនគណៈប្រតិភូហុងគ្រី ក្នុងព្រឹត្តិការណ៍ថ្ងៃទី០៣ ខែវិច្ឆិកា ឆ្នាំ២០២០៕
