អ្នកស្រី ចោម ខ្វាន់ ប្រកាសបរិច្ចាគថវិកាចំនួន​ ៤លានរៀល​ជូនរាជរដ្ឋាភិបាលសម្រាប់ ទិញវ៉ាក់សាំងកូវីដ១៩

0
11

ភ្នំពេញ៖ អ្នកស្រី ចោម ខ្វាន់ នៅថ្ងៃទី៨ ខែធ្នូ ឆ្នាំ២០២០នេះ បានប្រកាសបរិច្ចាគថវិកាចំនួន​ ៤លានរៀល​ជូនរាជរដ្ឋាភិបាលកម្ពុជា ដើម្បីយកទៅប្រើប្រាស់សម្រាប់ទិញវ៉ាក់សាំងកូវីដ១៩ ចាក់ជូនប្រជាពលរដ្ឋ ដោយឥតគិតថ្លៃ។

ការប្រកាសរបស់ អ្នកស្រី ចោម ខ្វាន់ បានធ្វើឡើងបន្ទាប់ពីសម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានប្រកាសពីការត្រៀមថវិកាទិញវ៉ាក់សាំងកូវីដ១៩ មកចាក់ជូនប្រជាពលរដ្ឋដោយឥតគិតថ្លៃ។

អ្នកស្រី ចោម ខ្វាន់ បានសរសេរលើគេហទំព័រហ្វេសប៊ុកថា «នាងខ្ញុំ ​ចោម ខ្វាន់ សូមចូលរួម​ឧបត្ថម្ភ​ថវិកា​ផ្ទាល់​ខ្លួន​ចំនួន​ ៤លានរៀល​ ជូនដល់​សម្ដេចតេជោ​ ហ៊ុន​ សែន​ នាយករដ្ឋមន្ត្រី​ នៃ​ រាជរដ្ឋាភិបាល​ ដេីម្បី​ត្រៀមទិញ​វ៉ាក់សាំង​ការពារ​កូវីដ​ ១៩​ ជូន​ប្រជាពលរដ្ឋ​កម្ពុជា​ ។ សូមជូនពរអោយប្រជាពលរដ្ឋខ្មែរទាំងអស់ មានសុខភាពល្អជៀសផុតជម្ងឺកូវីត19 ហើយកុំភ្លេចត្រូវមានអនាមយ័ជានិច្ចពាក់ម៉ាស់ លាងដៃនឹងសាប៊ូបាញ់អាល់កុលរក្សារគុំលាតនឹងការជួបជុំបើមិនមានការចាំបាច់ទេសូមកុំចេញពីផ្ទះ»។

សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូស ដើម្បីចាក់ជូនប្រជាពលរដ្ឋប្រមាណ ៥០ម៉ឺននាក់៕

LEAVE A REPLY

Please enter your comment!
Please enter your name here