កូរ៉េប្រកាសបន្តទទួលយកពលករកម្ពុជាធ្វើការដដែល ខណ:រៀងរាល់ឆ្នាំ មានទេសចរកូរ៉េមកទស្សនាកម្ពុជាជាង៤សែននាក់

0
7

ភ្នំពេញ៖ ឯកអគ្គរដ្ឋទូតកូរ៉េ ប្រចាំកម្ពុជា
លោក ប៉ាក ហឺងឃ្យង (Park Heung-Kyeong) បានថ្លែងថា បើទោះបីឆ្នាំ២០២០នេះ មានការផ្ទុះជំងឺកូវីដ-១៩ក៏ដោយ កូរ៉េនៅតែបន្តទទួលយកពលករកម្ពុជាមកធ្វើការដដែល អ្នកទេសចរកូរ៉េមកទស្សនាកម្ពុជា ជាង៤សែននាក់ ជារៀងរាល់ ឆ្នាំ។

លោកបានថ្លែងបែបនេះ ក្នុងជំនួបពិភាក្សាការងារជាមួយ សម្តេច សាយ ឈុំ ប្រធានព្រឹទ្ធសភាកម្ពុជា នាថ្ងៃទី២៥ ខែធ្នូ ឆ្នាំ២០២០ នៅវិមានព្រឹទ្ធសភា។

លោក ប៉ាក ហឺងឃ្យងបញ្ជាក់ថា «ចំណែកឯ ពលករកម្ពុជាទៅធ្វើការនៅសាធារណៈរដ្ឋកូរ៉េ មានចំនួន៤ម៉ឺននាក់ ហើយបើទោះបីជាឆ្នាំ នេះ មានការផ្ទុះការរីករាលដាលនៃជំងឺកូវីដ-១៩ក៏ដោយ ក៏សាធារណៈរដ្ឋកូរ៉េ នៅតែបន្តទទួលយកពលករកម្ពុជាមក ធ្វើការនៅសាធារណៈកូរ៉េដដែល»។

ក្នុងដំណាក់កាលនៃការរីករាលដាលជាសកលនៃជំងឺកូវីដ-១៩ សម្តេច សាយ ឈុំ បានថ្លែងអំណរគុណចំពោះរដ្ឋាភិបាលកូរ៉េ ដែលបានផ្តល់ជំនួយដល់កម្ពុជា ក្នុងការប្រយុទ្ធប្រឆាំងនឹងជំងឺកូវីដ-១៩ តាមរយៈក្របខណ្ឌកិច្ចសហប្រតិបត្តិ ការទ្វេរភាគី និងក្របខណ្ឌកិច្ចសហប្រតិបត្តិការអាស៊ាន និងតំបន់មេគង្គ។

ជាងនេះទៅទៀតសម្ដេចក៏បានថ្លែងអំណរគុណរដ្ឋាភិបាលកូរ៉េដែលបានយកចិត្តទុកដាក់ចំពោះពលករកម្ពុជា ដែលប ច្ចុប្បន្នកំពុងបំពេញការងារនៅកូរ៉េ។
សម្ដេចថា ពលករនៅកូរ៉េ បានរួមចំណែកដ៏សំខាន់ដល់ការលើកកម្ពស់ជីវភាពរស់ នៅរបស់ក្រុមគ្រួសាររបស់ពួកគេ និងជួយលើកកម្ពស់សេដ្ឋកិច្ចកម្ពុជាផងដែរ។

ឆ្លៀតឱកាសនោះដែរ ប្រធានព្រឹទ្ធសភាកម្ពុជា បានស្នើឯកអគ្គរដ្ឋទូតកូរ៉េ ជួយចលនា និងលើកទឹកចិត្តអ្នកវិនិយោគ និងអ្នកទេសចរកូរ៉េមកបណ្តាក់ទុនវិនិយោគ និងធ្វើទេសចរឲ្យកាន់តែច្រើនបន្ថែមទៀតនៅកម្ពុជា៕

LEAVE A REPLY

Please enter your comment!
Please enter your name here