លោក ឃាង ភារម្យ៖ បើទាស់គ្នាលើដីរដ្ឋ គូភាគីនោះគឺខុសច្បាប់ដូចគ្នា ហើយរដ្ឋអំណាច នឹងដកហូតយកដីវិញ

0
4

ភ្នំពេញ៖ លោក ឃាង ភារម្យ អ្នកនាំពាក្យសាលាខេត្តព្រះសីហនុ បានពន្យល់ថា ការទន្ទ្រានកាន់កាប់ដី        របស់រដ្ឋ មិនមែនជាទំនាស់ដីធ្លីនោះទេ ប៉ុន្តែបើមានគូភាគីណា ទៅទាស់គ្នាលើដីរដ្ឋនោះ គឺគូភាគីនោះខុសច្បាប់ដូចគ្នា ហើយរដ្ឋអំណាច នឹងដកហូតដីនោះត្រឡប់មកវិញ ហើយក៏ត្រូវផ្ដន្ទាទោសអ្នកដែល ទៅទន្ទ្រានយកដីធ្លីរបស់រដ្ឋនោះ។

ក្នុងសន្និសីទសារព័ត៌មាន ស្តីពីវឌ្ឍនភាពមូលដ្ឋានឃុំ សង្កាត់ និងទិសដៅការងារបន្ត របស់រដ្ឋបាលខេត្តព្រះសីហនុ នៅថ្ងៃទី១៤ មករានេះលោក ឃាង ភារម្យ បញ្ជាក់ថា «ខ្ញុំចង់ឲ្យលោកកំណត់និយមន័យឲ្យច្បាស់ ថាតើអ្វីជាទំនាស់ដីធ្លី? ចឹងមិនមែនថាការទៅ កាន់កាប់ ទៅរុករានទន្ទ្រានយកដីរដ្ឋ ជាទំនាស់ដីធ្លីទេ។ កាលណាបើសិនជាគូភាគី ទៅទាស់គ្នាលើដីរបស់រដ្ឋ អាចជាដីព្រៃ ដីអភិរក្ស និងដីផ្សេងៗនោះ គឺគូភាគីទាំងពីរនោះខុសច្បាប់  ដូចគ្នា រដ្ឋអំណាចរបស់យើង នឹងដកហូតយកដី ហើយក៏ត្រូវផ្ដន្ទាទោសអ្នកដែល ទៅទន្ទ្រានយកដីធ្លីរបស់រដ្ឋ» ។

លោកបន្ថែមថា កន្លងមកសំណុំរឿងទំនាស់ដីធ្លី នៅក្នុងខេត្តព្រះសីហនុ ដែលកំពុងតែស្រាវជ្រាវ និងដោះស្រាយ សម្របសម្រួលបន្តមានចំនួន ៨៨៦ករណី គិតចាប់ពីខែមករា ដល់ខែធ្នូ ឆ្នាំ២០២០។ ក្នុងនោះបានដោះស្រាយសម្របសម្រួល ដោយរដ្ឋបាលខេត្តមាន ១៥ករណី បញ្ជូនទៅស្ថាប័នពាក់ព័ន្ធចំនួន ១០៧ករណី បានឆ្លើយតបទៅម្ចាស់សំណើមានចំនួន ២១០ករណី និងធ្វើរបាយការណ៍ទៅក្រសួងពាក់ព័ន្ធមាន ៦៣ករណី សរុបទាំងអស់មាន ៣៩៥ករណី៕

LEAVE A REPLY

Please enter your comment!
Please enter your name here