ភ្នំពេញ៖ បុគ្គលិកកាស៊ីណូ ដែលសង្ស័យ បានស្ម័គ្រចិត្តធ្វើចត្តាឡីស័កនៅក្នុងបរិវេណកាស៊ីណូស្រុកកំរៀង មានប្រមាណជិត ២០០ នាក់ ដោយអ្នកខ្លះធ្វើការបោះតង់ និងអ្នកខ្លះទៀតស្នាក់នៅតាមបន្ទប់រៀងៗខ្លួនផងដែរ។
នៅថ្ងៃទី១៦ ខែមករា ឆ្នាំ២០២១ លោក ងួន រតនៈ អភិបាលខេត្តបាត់ដំបង បានអញ្ជើញសំណេះសំណាលជាមួយបុគ្គលិកកាស៊ីណូ នៅស្រុកកំរៀង ខេត្តបាត់ដំបង ដែលសង្ស័យស្ម័គ្រចិត្តធ្វើចត្តាឡីស័កនៅក្នុងកាស៊ីណូប្រមាណជិត ២០០នាក់ ដែលមានការអញ្ជើញពីលោកស្នងការនគរបាលខេត្ត លោកប្រធានមន្ទីរ អង្គភាព លោកនាយករដ្ឋបាលខេត្ត លោកអភិបាលស្រុក កងកម្លាំង និងអ្នកពាក់ព័ន្ធមួយចំនួនទៀត។
លោក ងួន រតនៈ បានសង្កត់ធន់ និងចាត់វិធានការផ្លូវច្បាប់ចំពោះមេខ្យល់ណា ដែលហ៊ានញុះញង់នាំពលករលួចឆ្លងដែនខុសច្បាប់ ដោយគ្មានករណីលើកលែងឡើយ ពីព្រោះការលួចឆ្លងដែននាពេលនេះអាចប្រឈមនឹងការឆ្លងនូវជំងឺកូវីដ ១៩ ដល់បងប្អូនប្រជាពលករ ក៏ដូចជាសហគមន៍ទាំងមូលផងដែរ។
គួរបញ្ជាក់ឲ្យដឹងថា អភិបាលខេត្តបាត់ដំបង បាននាំយកអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រកម្ពុជារួមមាន ទឹកសុទ្ធ និងមី ចែកដល់ បុគ្គលិកកាស៊ីណូ ប្រមាណជិត២០០នាក់ ដែលសង្ស័យស្ម័គ្រចិត្តធ្វើចត្តាឡីស័កនៅក្នុងបរិវេណកាស៊ីណូស្រុកកំរៀង មានប្រមាណជិត ២០០ នាក់ ដោយអ្នកខ្លះធ្វើការបោះតង់ និងអ្នកខ្លះទៀតស្នាក់នៅតាមបន្ទប់រៀងៗខ្លួនផងដែរ៕
