ភ្នំពេញ៖ បើហៅថាដូល (Dhole )ប្រហែលជាបងប្អូនខ្មែរយើងមិនសូវស្គាល់ឡើយតែ បើហៅថាឆ្កែព្រៃគឺគ្រប់គ្នានឹងស្គាល់ច្បាស់ពីប្រភេទសត្វមួយនេះ។
បើយោងតាមអង្គការសម្ព័ន្ធមិត្តសត្វព្រៃបានឲ្យដឹងថាសត្វប្រភេទនេះបានទទួលរងនូវការធ្លាក់ចុះយ៉ាងខ្លាំងពីចំណាត់ថ្នាក់របស់វា។
ដូល (Dhole ) គឺជាសត្វឆ្កែព្រៃមួយប្រភេទដែលបានទទួលរងនូវការធ្លាក់ចុះយ៉ាងខ្លាំងពីចំណាត់ថ្នាក់របស់វា។ ឥឡូវវាត្រូវបានគេចាត់ក្នុងចំណាត់ថ្នាក់ជាប្រភេទសត្វរងគ្រោះជិតផុតពូជនៅទូទាំងពិភពលោកដែលនៅសល់ចំនួនតិចជាង២៥០០ក្បាលប៉ុណ្ណោះដែលនៅសេសសល់។ វត្តមានសត្វឆ្កែព្រៃនៅក្នុងតំបន់ជួរភ្នំក្រវាញបានបង្ហាញថាប្រសិនបើកិច្ចខិតខំប្រឹងប្រែងការពារដ៏ខ្លាំងក្លានៅតែបន្ត នោះការកើនឡើងមកវិញនូវចំនួនរបស់ប្រភេទសត្វទាំងនេះពិតជាអាចទៅរួច៕
