បុរសខ្លាំងនៃកម្ពុជា ប្រកាសការពារតែទឹកដីកម្ពុជា ដែលមានសព្វថ្ងៃ

0
4

ភ្នំពេញ៖ ក្នុងពិធីសម្ពោធសមិទ្ធផលថ្មី របស់ក្រសួងសាធារណការ និងដឹកជញ្ជូន នាព្រឹកថ្ងៃទី២២ ខែមករា ឆ្នាំ២០២១នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសការពារតែទឹកដីកម្ពុជា ដែលមានសព្វថ្ងៃនេះ ឲ្យបានគង់វង្សតកូនតចៅ។

សម្ដេចបានមានប្រសាសន៍ថា អ្វីដែលយើងគួរមើលត្រឡប់ ទៅក្រោយវិញនោះ ប្រទេសខ្មែរស្ទើរតែបាត់ចេញពី ផែនទីរបស់ពិភពលោកទៅហើយ មានដំណាក់កាលមួយ ក្នុងរង្វង់ ឆ្នាំ១៨៤០ប្លាយ ប្រជាជនខ្មែរនៅមិនដល់ ១លាននាក់ទេ ពេលនោះព្រះបាទអង្គឌួង ប្រឹងប៉ុណ្ណាដើម្បីរំដោះ ប្រទេសនេះ ហើយបានទៅកកើតរាជធានីនៅឧត្ដុង្គវាំងចាស់ ដែលសម្ដេចតែងតែទៅធ្វើបុណ្យ។

សម្ដេចតេជោនាយករដ្ឋមន្ត្រី បញ្ជាក់ថា «រួចមកបន្ទោសខ្ញុំបាត់ដី បាត់អីណា ទេខ្ញុំសុំទោសចុះ ខ្ញុំសុំការពារតែដីដែល មានសព្វថ្ងៃហ្នឹងបានហើយ អ្នកណាពូកែសូមអញ្ជើញទៅយកខ្លួនឯងចុះ ខ្ញុំនិយាយយ៉ាងដូច្នេះ ខ្ញុំចង់បង្ហាញពីកត្តាប្រវត្តិសាស្ត្រមួយចំនួន ដែលបានកើតឡើង នៅក្នុងប្រទេសរបស់យើង»។

សម្ដេចបន្ថែមថា យើងរុងរឿងបានរយៈពេល ១៦ឆ្នាំ គឺពីឆ្នាំ៥៣ យើងទទួលបានឯករាជ្យ ប៉ុន្តែការកសាងរបស់ព្រះករុណាបិតា បានត្រឹមពីឆ្នាំ៥៥ រហូតមកទេ ជាមួយនឹងការរំខានពីកម្លាំងប្រឆាំង និងការឈ្លានពានរបស់ពួកបរទេស៕

LEAVE A REPLY

Please enter your comment!
Please enter your name here