ដំណឹងល្អ! ក្រសួងបន្តព្យាបាល អ្នកឆ្លងជំងឺកូវី១៩ជាសះស្បើយ ២នាក់ទៀត ខណៈគ្មានអ្នកឆ្លងថ្មី

0
3

ភ្នំពេញ៖ ក្រសួងសុខាភិបាល បានប្រកាសឲ្យដឹងថា នៅថ្ងៃទី៧ ខែកុម្ភ: ឆ្នាំ២០២១ មានអ្នកជំងឺកូវីដ១៩      ជាសះស្បើយចំនួន ២នាក់បន្ថែមទៀត ខណ:មិនមានរកឃើញករណីឆ្លងថ្មីនោះទេ។

យោងតាមសេចក្ដីប្រកាសព័ត៌មាន របស់ក្រសួងសុខាភិបាល បានឲ្យដឹងនៅព្រឹកថ្ងៃទី៨ កុម្ភ:នេះ បានឲ្យដឹងថា អ្នកជាសះស្បើយទាំង ២នាក់នោះរួមមាន៖ ១.ស្ត្រីជនជាតិខ្មែរ អាយុ២៦ឆ្នាំ មានអាសយដ្ឋានស្នាក់នៅភូមិបន្ទាយមានរិទ្ធ ឃុំគោករមៀត ស្រុកថ្មពួក ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី១៧ ខែមករា ឆ្នាំ២០២១។ ២.ស្ត្រីជនជាតិខ្មែរ អាយុ៤០ឆ្នាំ មានអាសយដ្ឋានស្នាក់នៅភូមិក្បាលស្ពាន១      សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៦  ខែមករា ឆ្នាំ២០២១។

សូមរំលឹកថា គិតត្រឹមព្រឹកថ្ងៃទី៨ កុម្ភ:នេះ កម្ពុជារកឃើញអ្នកឆ្លងកូវីដ១៩ សរុបចំនួន ៤៧៤នាក់ ក្នុងនោះព្យាបាលជាសះស្បើយចំនួន ៤៥៦នាក់ និងកំពុងសម្រាកព្យាបាលចំនួន ១៨នាក់៕

LEAVE A REPLY

Please enter your comment!
Please enter your name here