ថ្ងៃទី១១កុម្ភៈ! អ្នកចាក់វ៉ាក់សាំងកូវីដ១៩ រួចមាន៤៤២នាក់ ក្នុងចំណោមអ្នកស្ម័គ្រចិត្តចាក់ ៦៥៧នាក់

ភ្នំពេញ៖ លោកស្រីវេជ្ជបណ្ឌិត​ ឱ​ វណ្ណឌីន​ រដ្ឋលេខាធិការ​ និងជាអ្នកនាំពាក្យក្រសួងសុខាភិបាលកម្ពុជាបានឲ្យដឹងថា សរុបអ្នកមកចាក់វ៉ាក់សាំងកូវីដ-១៩​ ដោយស្ម័គ្រចិត្តនៅថ្ងៃទី១១ ខែកុម្ភ:​ ឆ្នាំ២០២១មានចំនួន ៦៥៧នាក់​ (ស្រី​ ២៩៣នាក់)​ និងអ្នកបានចាក់វ៉ាក់សាំងរួចមាន​ ៤៤២នាក់​ (ស្រី​ ១៦៤នាក់)ចំណែក អ្នកដែលគ្រូពេទ្យមិនអនុញ្ញាតឲ្យចាក់មានចំនួន​ ២១៥នាក់​ (ស្រី​ ១២៩នាក់)។

សូមរំលឹកថាក្នុងរយៈពេល១ថ្ងៃពេញកាលពីថ្ងៃទី១០ កុម្ភៈនៃការចាប់ផ្តើមចាក់វ៉ាក់សាំងការពារកូវីដ១៩ របស់ប្រទេសចិន ឈ្មោះស៊ីណូហ្វាម (Sinoharm) អ្នកស្នើសុំចាក់មានចំនួន៤២៥នាក់ ចំណែកអ្នកបានចាក់រួចរាល់មាន ៣៣៩នាក់ (ស្រី៧៥នាក់)និងអ្នកដែលគ្រូពេទ្យមិនអនុញ្ញាតឲ្យចាក់មានចំនួន ៨៦នាក់ (ស្រី ២៩នាក់)៕