ពលករខ្មែរម្នាក់ លួចឆ្លងដែនខុសច្បាប់ចៃដន្យជាន់មីនដាច់ជើងស្តាំ និងជើងខាងឆ្វេងរបួសធ្ងន់ធ្ងរ

0
4

ភ្នំពេញ៖ បុរសម្នាក់លួចឆ្លងដែនពីប្រទេសថៃចូលមកកម្ពុជា ខុសច្បាប់ ចៃដន្យជាន់មីនបណ្ដាលឲ្យរងគ្រោះថ្នាក់ដាច់ជើងស្តាំ និងជើងខាងឆ្វេងរបួសធ្ងន់ធ្ងរ និងបានបញ្ជូនអ្នកជនរងគ្រោះ ទៅសង្គ្រោះព្យាបាល នៅមន្ទីរពេទ្យបង្អែកមង្គលបូរី។

លោក ហេង រតនា អគ្គនាយកមជ្ឈមណ្ឌលកំចាត់មីនកម្ពុជា (CMAC) បានឲ្យដឹងថា នៅវេលាម៉ោង៧:៣០នាទីយប់ ថ្ងៃទី១៤ ខែកុម្ភ: ឆ្នាំ២០២១ មានគ្រោះថ្នាក់ជាន់គ្រាប់មីន សំណល់ពីសង្គ្រាម លេីពលករឆ្លងដែនភេទប្រុស អាយុ៣៣ឆ្នាំ សញ្ជាតិខ្មែរ រស់នៅភូមិព្រៃគប់ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។ គ្រោះថ្នាក់ដោយជាន់មីន ស្ថិតត្រង់ចំណុច មុខគោលដៅដើមផ្ចឹក ប៉ុស្តិព្រំដែនដើមកកោះ វរ:ការពារព្រំដែន គោក៩១១ ក្នុងភូមិសាស្ត្រ ភូមិព្រៃគប់ សង្កាត់ផ្សារកណ្ដាល ដោយរងគ្រោះថ្នាក់ដាច់ជើងស្តាំ និងជើងខាងឆ្វេងរបួសធ្ងន់ធ្ងរ និងបានបញ្ជូនអ្នកជនរងគ្រោះ ទៅសង្គ្រោះព្យាបាល នៅមន្ទីរពេទ្យបង្អែកមង្គលបូរី។

ជាមួយគ្នានេះលោក ហេង រតនា ក៏សូមអំពាវនាវជាថ្មីទៀត ចំពោះបងប្អូនប្រជាពលរដ្ឋទាំងអស់ សូមកុំធ្វេីការឆ្លងដែនតាមតំបន់ហាមឃាត់ និងតំបន់មិនមែនមាត់ច្រកព្រំដែន ព្រោះថាគ្រាប់មីនជាសំណល់ពីសង្គ្រាម មិនទាន់បានបោសសំអាត នៅតំបន់ព្រំដែននៅឡេីយទេ។ កងកម្លាំងអង្គភាពសុីម៉ាក់ និងកងយោធពលខេមរភូមិន្ទ បានបន្តសហការគ្នា បោសសំអាត តំបន់ចម្ការមីន ជាអាទិភាពក្នុងការអភិវឌ្ឍ និងសុខសុវត្ថិភាព សំរាប់ប្រជាជនតាមបណ្តោយព្រំដែន ទៅតាមការចាំបាច់៕

LEAVE A REPLY

Please enter your comment!
Please enter your name here