អ្វីទៅជាដំណោះស្រាយជាក់លាក់ដែលបុគ្គលិកស៊ីនទ្រី ទាមទារ រហូតដល់ ធ្វើកូដកម្មជាង១០ថ្ងៃ មកនេះ

0
37

ភ្នំពេញ​៖ ​ជា​ង​១​០​​ថ្ងៃ​ម​ក​ហើ​យ​ ​ដែ​លបុ​គ្គ​លិ​ក​ក្រុ​ម​ហ៊ុ​ន​ ​ស៊ិ​ន​ ​ទ្រី​ ​មិ​ន​ព្រ​ម​​ចេ​ញ​ប្រ​មូ​ល​សំ​រា​ម​ ​ដោ​យ​សា​រ​មិ​ន​ទា​ន់​ ​មា​ន​ដំ​ណោះ​ស្រា​យ​ច្បា​ស់​លា​​ស់​ ​ពី​ភា​គី​ក្រុ​ម​ហ៊ុ​ន​ ​និ​ង​សា​លា​ក្រុ​ង​ភ្នំ​ពេ​ញ​​ ខ​​ណៈ​ ​សា​​លា​រាជ​​ធា​នី​ភ្នំ​ពេ​ញ​ ​ទ​ទូ​ច​ឲ្យ​ពួ​ក​គេ​ចូ​ល​ធ្វើ​ការ​វិ​​ញ​ដោ​យ​ ​ប​ន្តធា​​នានូ​​វ​ប្រា​ក់​អ​​ត្ថ​ប្រ​យោ​ជន៍​​ នា​នា​​ដែ​ល​មា​ន​ច្បា​​ប់​បា​នកំ​ណ​ត់​។​

​អ្វី​ដែ​ល​បុ​គ្គ​លិ​ក​ក្រុ​ម​ហ៊ុ​ន​ ​​ស៊ិន ទ្រី រួមមាន៖
១-ទូទាត់ប្រាក់បំណាច់អតីតភាពការងារមុនឆ្នាំ២០១៩-២០២០ (ដោយយកប្រាក់ឈ្នួលគោល រួមទាំងអត្ថប្រយោជន៍ផ្សេងៗ យកទៅធ្វើការគណនា)
២-ទូទាត់ប្រាក់សោហ៊ុយ ជំងឺចិត្ត (ប្រាក់សោហ៊ុយ ជំងឺចិត្តស្មើប្រាក់បំណាច់ អតីតភាពការងារមុនឆ្នាំ២០១៩)
៣-ទូទាត់ប្រាក់បំណាច់ ជួសអោយការជូនដំណឹង
៤-ទូទាត់ប្រាក់បំណាច់ ជួសអោយការឈប់សម្រាកប្រចាំឆ្នាំដែលនៅសេសសល់
៥-ប្រាក់ខែចុងក្រោយ។

ដោយឡែកខាងសាលរាជធានីភ្នំពេញ នៅថ្ងៃទី១២តុលា ឆ្នាំ២០២០ បានទទូចជាថ្មី ឲ្យបុគ្គលិកស៊ីនទ្រីចូលបំពេញការងារវិញ ដោយអះអាងថា ការមិនចូលធ្វើការនេះ ជាកូដកម្មខុសច្បាប់។ ជាមួយគ្នានេះសាលាក្រុង ក៏ធានាដោះស្រាយតាមផ្លូវច្បាប់ ដល់កម្មករ ដូចការព្រមព្រៀងគ្នា កាលពីថ្ងៃទី៧ ខែតុលា ។

សូមរំលឹកថា កាលពីថ្ងៃទី១០តុលា នៅយានដ្ឋានស៊ីនទ្រី ក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ បុគ្គលិកស៊ីនទ្រីប្រមាណជាង៣០០នាក់ បានជួបជុំគ្នាធ្វើកូដកម្ម ដោយអះអាងថា ក្រុមពួកគេ នឹងចូលបំពេញការងារវិញ បើសាលាក្រុង ឬក្រុមហ៊ុន មានឆន្ទៈដោះស្រាយបញ្ហា។
អំឡុងពេលធ្វើកូដកម្មនេះ សាលាក្រុងបានប្រកាសជ្រើសរើស ប្រមូលសំរាមថ្មី និងបានបញ្ចេញកម្លាំងតាមខណ្ឌនីមួយៗ ដើម្បីដោះស្រាយបញ្ហាសំរាម ក្នុងក្រុងភ្នំពេញផងដែរ។ សាលាក្រុង បានបញ្ចេញរថយន្តដឹកសំរាម៧០គ្រឿង និងរ៉ឺម៉ក១៥០ ដើម្បីដោះស្រាយបញ្ហាសំរាមនៅអំឡុងពេលកូដកម្មនេះ។ លោក ឃួង ស្រេង អភិបាលក្រុងភ្នំពេញ បានប្រាប់សារព័ត៌មានថ្មីៗថា កម្លាំងនៃអាជ្ញាធរក្រុងបានចុះប្រមូលសំរាមបានប្រមាណ២៥០០តោនក្នុងមួយថ្ងៃ។

ជាមួយគ្នា លោក ឃួង ស្រេង អភិបាលរាជធានីភ្នំពេញ នៅថ្ងៃទី១២ ខែតុលា ឆ្នាំ២០២០នេះ ក៏បានដាក់កំហិតឱ្យអភិបាលខណ្ឌទាំង១៤ សហការជាមួយភាគីពាក់ព័ន្ធ ធ្វើយ៉ាងណាដឹកជញ្ជូនយកសំរាម ចេញពីក្នុងរាជធានីភ្នំពេញ ទៅកាន់ទីលានចាក់សំរាម ឱ្យបានគ្រប់ខណ្ឌ ដោយប្រើប្រាស់ គ្រប់យន្តការគ្រប់រូបភាព ខណៈពេលដែលបុគ្គលិកក្រុមហ៊ុន សុីន ទ្រី បន្តយកសំរាមធ្វើជាចំណាប់ខ្មាំង ។
នៅព្រឹកថ្ងៃទី១២តុលានេះដែរ ជប៉ុនបានផ្ដល់ឡានដឹកសំរាម៦គ្រឿង ហើយកន្លងមកក៏មានក្រុមហ៊ុន ឯកខ្លះ បានផ្ដល់ឡានដឹកដី សម្រាប់ជួយដឹកសំរាមផងដែរ។ បើតាមរបាយការណ៍ ក្រសួងបរិស្ថាន ក្នុងរាជធានីភ្នំពេញមួយថ្ងៃ មានសំរាមជិត៣០០០តោន ៕

LEAVE A REPLY

Please enter your comment!
Please enter your name here