លទ្ធផលតេស្តលើកទី៣ បង្ហាញថាតារាចម្រៀង សួស វីស្សា ឆ្លងកូវីដ១៩

0
5

ភ្នំពេញ៖ ក្រោយលទ្ធផលតេស្ត ២លើក អវិជ្ជមានកូវីដ១៩ ស្រាប់តែតេសត្តលើកទី៣ បញ្ជាក់ថា តារាចម្រៀង សួស វីហ្សា បានឆ្លងជំងឺកូវីដ១៩។

លោក ហេង ឡុង ប្រធានសមាគមសិល្ប: ស្ម័គ្រចិត្តជួយសង្គម បានបញ្ជាក់តាមហ្វេសប៊ុក នៅរសៀលថ្ងៃទី២២ មីនានេះ បានប្រកាសឲ្យដឹងថា «តារាចម្រៀងហង្សមាស សួស វីហ្សា បានធ្វើតេស្តលើកទី៣ លទ្ធផលវិជ្ជមានដោយគាត់បានបញ្ជាក់ថា កាលពីថ្ងៃទី៤ ខែមីនា ឆ្នាំ២០២១ កន្លងទៅនេះបានច្រៀងរួមបន្ទប់ ជាមួយនឹងលោក ណុប ប៉ាយ៉ារិទ្ធ អ្នកនាង សាគន្ធ នីសា និងលោក ធែល ថៃ។ គាត់សង្ស័យថា បានឆ្លងតាំងពីថ្ងៃនោះមកម៉្លេះ ប៉ុន្តែដោយសារធ្វើតេស្ត ពីរដងលទ្ធផលអវិជ្ជមានរហូត មិនអស់ចិត្តទើបសម្រេចចិត្តធ្វើតែជាលើកទីបី។ លោកថមមីគ្រួសាររបស់គាត់ រង់ចាំលទ្ធផលលើកទី៣ សូមទេវតាតាមជួយថែរក្សាប្អូនទាំងពីរ🙏»។

សូមរំលឹកថា គិតត្រឹមព្រឹកថ្ងៃ២២ មីនានេះ កម្ពុជាមានអ្នកឆ្លងសរុបចំនួន ១៧៥៣ នាក់ អ្នកជាសះស្បើយចំនួន ៩៦៧នាក់ អ្នកកំពុងព្យាបាលចំនួន ៧៨១នាក់ និងអ្នកស្លាប់ ៤នាក់៕

LEAVE A REPLY

Please enter your comment!
Please enter your name here