ចំណុចពិសេសៗ និងជីវប្រវត្តិត្រួសៗបវរកញ្ញា Abena Appiah

0
3

ភ្នំពេញ៖ កាលពីរាត្រី ២៧ ខែមីនា ឆ្នាំ​២០២១ កម្មវិធី Miss Grand Internaltional 2020 រកឃើញម្ចាស់កមុដហើយ បានធ្លាក់ទៅលើ Abena Appiah (អាប៊ីណា អាពារ) ​របស់អាម៉េរិក។ តើរឿង​រ៉ាវជីវិតរបស់ Abena Appiah យ៉ាងម៉េចសុំសណ្តាប់ដូចខាង ក្រោមនេះ។

Abena Appiah អាយុ ២៧ឆ្នាំ គឺជាអ្នកភ្លេងម្នាក់ ដែលធ្វើការជាមួយក្មេងៗ​ជួបការលំបាកត្រូវការជំនួយជាខ្លាំង ការងារទាំងនោះបង្រៀនក្មេងៗឲ្យយល់ពីរឿងរ៉ាវពីជីវិត។ ក្រៅពីនេះនាង​គឺជានារីអាកាសចរណ៍ ដែលមានសមត្ថភាពជួយដល់ អ្នកដំណើរក្មេងៗឲ្យមានភាពក្លាហាន កុំឲ្យភ័យខ្លាចចំពោះការហោះហើរតាមជើងយន្តហោះ។

ក្រៅពីនេះបរវរកញ្ញាទើបគ្រងមកុដនេះ ក៏ធ្វើជា​អ្នកចាត់ការទូទៅសំរបរម្រួលមួយនៅក្នុងប្រទេសហ្គាណា ដែលជួយនារីវ័យ​ក្មេងឲ្យ ទទួលបានចំណេះជំនាញមួយចំនួនក្នុងវិស័យសិល្ប:។
Miss Grand Internaltional 2020 រូបនេះធ្លាប់បានលើកឡើងថា គោលដៅរបស់នាង​ចង់បើកអង្គការមួយ ដោយជួយដល់បុគ្គលម្នាក់ៗឲ្យមានភាពរឹងមាំ ជឿជាក់ខ្លួនឯងក្រោយរងនូវការមើលងាយគេធ្វើបាប។


យោងតាមគេហទំព័រ ​ បានឲ្យដឹងថា ស្ត្រីអាយុ ២៧ឆ្នាំខាលើនេះ កាលពីនៅរៀនក៏ធ្លាប់ត្រូវបានគេធ្វើបាប ដែលធ្វើឲ្យនាងរុញរាក្នុងការបញ្ចេញនូវសមត្ថភាពពិត បន្ទាប់មកនាងកាន់តែរៀនសូត្រ និងយល់ដឹងពីជីវិតច្រើន ទើបនាងដឹងថា អ្វីគ្រប់យ៉ាងអាចធ្វើទៅរួច ដរាបណាយើងជឿជាក់លើខ្លួន​ឯង និងកំណត់គោលដៅ ច្បាស់លាស់ហើយយើងតាំងចិត្តពិតប្រាកដគ្មាននរណា​អាចបញ្ឈប់យើងបានទេ​។
នាងបានបន្តថា ខ្លួនអ្នកគឺជាមនុស្សតែម្នាក់គត់ដែលអាចកំណត់ជោគវាសនា ខ្លួនឯងបាន ត្រូវគិតថាមេឃជាដែនកំណត់របស់អ្នក ដែលជួយដាស់តឿន កុំឲ្យអ្នកចុះចាញ់ ងាយៗពេលអ្នកបរាជ័យ ងើបឡើងហើយព្យាយាមម្តងទៀត។

និយាយប្រវត្តិត្រួសៗកន្លងរបស់នារីកូនកាត់ ហ្គាណា អាម៉េរិក ដោយមានបទពិសោធន៍ច្រើនលើឆាកអន្តរជាតិ ដោយធ្លាប់តំណាង​ឲ្យប្រទេសហ្គាណា ក្នុងការប្រកួត Miss Universe កាលពីអំឡុងឆ្នាំ ២០១៤ ហើយឆ្នាំ ២០១៦ នាងក៏ឈ្នពាន Queen Beuty Universe និងជាប់ជា Miss Earth តំណាង ប្រទេសហ្គាណានៅឆ្នាំ ២០១៩។​

ស្រីស្អាតដែលទើបគ្រងមកុដ ជានិស្សិតផ្នែក Fashion នៃសាកលវិទ្យាល័យរ៉ាស់ហ្វត ក្នុងប្រទេសហ្គាណា នាងជាស្ត្រីម្នាក់ដែលបានប្តេជ្ញាចិត្តយ៉ាងមុតមាំ ។ ក្នុងនោះនាងក៏បានឈ្នះជាបវរកញ្ញា Tallen Ghana នៅឆ្នាំ ២០១២ ហើយឈ្នះ Top Model ហ្គាណាឆ្នាំ ២០១៣។


ស្រីស្អាតពីរសញ្ជាតិខាងលើ ក៏ធ្លាប់ធ្វើជាអ្នកបង្ហាញម៉ូតតាំងពីនាងនៅអាយុ ៣ឆ្នាំ និងមានសមត្ថភាពផ្នែកតន្ត្រីតាំងពីអាយុ ៧ឆ្នាំ ហើយជា​អ្នកចម្រៀង​ តារាម៉ូដែល តួសម្តែង និងមានសមត្ថភាពនិពន្ធចម្រៀងដោយខ្លួនឯងបានទៀតផង។
រាល់ចំណូលដែលបានពីសិល្ប: ជាក់ស្តែង​សម្រាប់អាល់ប៊ុមដំបូងរបស់នាង នាងបានយកទៅបង្កើតសាលាមួយ ដែលជួយដល់ស្ត្រី និងក្មេងស្រីនៅក្នុងប្រទេស ផងដែរ​។

តើចំណុចពិសេស​របស់ស្រីស្អាត ខាងលើអាចទទួលយកមកុដ​នេះ ដោយសមហេតុផលដែរឬទេ? ឬក៏អ្នកយល់ថា​សម្រស់ជារឿងដ៏ចាំបាច់ សម្រាប់កម្មវិធីប្រឡង​បវរកញ្ញា? សុំពិចារណាដោយការគួរ៕

LEAVE A REPLY

Please enter your comment!
Please enter your name here