ដឹងមាយាទអ្នកដើរព្រៃស្រុកខ្មែរ! តារាចម្រៀង សាយនិង​សមាជិក​ចំនួន​៦​នាក់​ បាន​នាំ​គ្នា​ទៅ​ប្រមូល​សំរាម​​នៅ​ឧទ្យាន​គិរីរម្យ

0
11

ភ្នំពេញ: តារា​ចម្រៀង​ Original Song និង​ជា​អ្នក​​ធ្វើ​ការ​ងារ​សង្គម​ដ៏​សស្រាក់សស្រាំ​ម្នាក់​ផង​នោះ​ លោក​ សាយ ​បាន​ឱ្យ​ដឹង​ថា​ លោក​ និង​សមាជិក​ក្រុម​ Run with Sai ចំនួន​ ៦​នាក់​បាន​នាំ​គ្នា​ទៅ​ប្រមូល​សំរាម​​នៅ​ឧទ្យាន​គិរីរម្យ​។​

កាល​ពី​ចុង​ខែ​មិថុនា​ ត្រូវ​នឹង​ថ្ងៃ​ទី​៣០​ ឆ្នាំ​២០២១ តារា​ចម្រៀង​ សាយ​ បាន​ចេញ​មក​បញ្ចេញ​នូវ​សំណេរតាមរយ:ហ្វេសប៊ុកយ៉ាងដូច្នេះថា ” ដោយដឹងមាយាទរបស់អ្នកដើរព្រៃស្រុកខ្មែរយើងមួយចំនួន ពួកយើងបានប្រមូលគ្នា 6 នាក់ពីក្រុម RUNWITHSAI មកធ្វើការរើសសំរាម នៅចំណុចសសរស្ដុក លើឧទ្យានគិរីរម្យ។ ពួកយើងបានញែកសំរាម តាមប្រភេទដូចជា ដប កំប៉ុង និងសំរាមផ្សេងៗ រួចបានដឹកយកទៅកន្លែងរៀបចំសំរាមរបស់អាជ្ញាធរនៅលើឧទ្យានគីរីរម្យ ដើម្បីធ្វើការដុតចោលដោយប្រើឡ និងសំរាមខ្លះទៀតសម្រាប់ការប្រើប្រាស់ឡើងវិញ”។

លោក សាយ បានអំពាវនាវ សូមមេត្តារក្សាបរិស្ថានស្អាតទាំងអស់គ្នាដើម្បីរមណីយដ្ឋានស្អាត ដើម្បីជាតំបន់ទេសចរណ៍ទៅថ្ងៃខាងមុខទៀត។ ពួកយើងមិនអាចមករើសសំរាមរហូតទេ តែបើអ្នកទាំងអស់គ្នាចេះវេចខ្ចប់សំរាមត្រឡប់មកវិញនោះ តំបន់ទេសចរណ៍ស្អាតៗនានានៅក្នុងព្រៃ ក៏នឹងមិនមានសំរាមដែរ។ សូមដើរលេងដោយការទទួលខុសត្រូវ។សំរាមមិនគួរឱ្យស្អប់ទេមនុស្សដែលចោលសំរាមទេដែលគួរអោយស្អប់៕

LEAVE A REPLY

Please enter your comment!
Please enter your name here