ភ្នំពេញ៖ តារាសម្តែងសាច់ដុំ លោក រតនៈ វិសិដ្ឋ បានលើកឡើងថា តារាខ្មែរចាប់ដាក់ៗ មិនដឹងមកពីណាពីណី ច្បាស់ណាស់អ្នកជំនាញពិតនឹងត្រូវដេកផ្ទះ បើតែយ៉ាងនេះ។
មកទល់នឹងពេលនេះ លោក រតនៈ វិសិដ្ឋ បានចូលក្នុងវិថីសិល្បៈជាង ១០ឆ្នាំទៅទៀត ដោយលោកបានបង្ហាញការខកចិត្តលើវិថីនេះ នាថ្ងៃទី ២១ ខែតុលា ឆ្នាំ ២០២០ ដោយត្អួញថា សិល្បៈប្រទេសខ្ញុំ យ៉ាង ម៉េច ក៏មានដែរ ចាប់ដាក់ៗ មិនដឹងមកពីណាពីណីទេ?
លោក រតនៈ វិសិដ្ឋ បានបង្ហាញសារនៅលើបណ្តាញទំនាក់ទំនងសង្គមថា «សិល្បៈប្រទេសខ្ញុំ យ៉ាង ម៉េច ក៏មានដែរ ចាប់ដាក់ៗ មិនដឹងមកពីណាពីណីទេ ចឹងបានកម្មវិធីអីធំ១ មិនមានអ្នកគាំទ្រ បើគេមិនគាំទ្រ ថាខ្មែរមិនជួយខ្មែរ ។ ហ៊ឹ ! អ្នកមានជំនាញពិត និង ទេព្យកោសល្យច្បាស់ត្រូវដេកផ្ទះ ! សុំទោស បើខ្ញុំនិយាយខុស»។
ជាមួយគ្នានេះដែរ មានការលើកឡើងពីបណ្តាលអ្នកលេងបណ្តាញសង្គមថា អ្នកសិល្បករបើអត់មានខ្នាត មានក្បួនទេ ច្បាស់ណាស់នឹងធ្លាក់ទឹក សិល្បករជាចំណែកនៃការផ្សព្វផ្សាយ វប្បធម៌ អរិយធម៌របស់ប្រទេស បើមិនឆ្លងកាត់ការប្រឡងរៀនសូត្រត្រឹមត្រូវ តើធ្វើម៉េចឲ្យល្អទៅរួចទៅ ? ចំណុចនេះ ខាង វប្បធម៌ និងវិចិត្រសិល្បៈ គួរតែកែកុន ក្បួនខ្នាត សម្រាប់អ្នក ក្នុងរង្វង់សិល្បៈផង៕
