មាន សូនីតា ប្រាប់ពីដំណើរកម្សាន្តដ៏ល្អនិងមិនធ្លាប់បានជួបដែលរៀបចំឡើងដោយក្រុម Amata-អមតា

0
49

ភ្នំពេញ៖ ស្របពេលដែល តារាស្រីសាច់សខ្ចី មាន សូនីតា ទទួលបានដំណឹងភ្លាមៗពីកម្មវិធី ដំណើរ​កម្សាន្ត “សាក​ថ្មជីវិត” ដែល​ពេល​នោះ តារា​ស្រី​ត្រូវ​បាន​អញ្ជើញ​ធ្វើ​ជា​វាគ្មិន​កិត្តិយស​ដំបូង​បំផុត តួស្រីដ៏ល្បីរូបនេះមិនស្ទាក់ស្ទើរនោះទេ ដោយយល់ព្រមភ្លាមៗ ក្នុងនាម​ជា​អ្នកចូលចិត្តធ្វើដំណើរកម្សាន្តទាំងក្នុងស្រុក និងក្រៅស្រុក។

ជាមួយបទពិសោធន៍នៃដំណើរកម្សាន្តខាងលើ ដែលធ្វើឡើងកាលពីចុងខែមុន មាន សូនីតា បានបញ្ចេញ​បទ​ពិសោធន៍​មិន​ធ្លាប់​ជួប​មួយ ដែលជាដំណើរកម្សាន្តទៅកាន់ខេត្តកំពត។ ដំណើរ​កម្សាន្ត “សាក​ថ្មជីវិត” ក៏​ទើប​នឹង​ចាប់​ដំណើរ​ការផ្គត់ផ្គង់​សេវា​ជា​លើក​ទី​១​ដែរ។

តួអង្គស្រីដែលត្រូវប៉ាន់ក្នុងការសម្តែង និងខ្សែភាពយន្តជាច្រើន មាន សូនីតា បានលើកឡើងថា ដោយគ្រាន់តែលឺឈ្មោះកម្មវិធីដំណើរ​កម្សាន្ត “សាក​ថ្មជីវិត” ភ្លាម និងខ្លឹមសារទាំងស្រុងនៃកម្មវិធីដំណើរនេះកម្សាន្តនេះ ខ្ញុំមិនលាក់បាំងនោះទេ គឺឆ្លើយថា យល់ព្រមភ្លាមៗតែម្តង ក៏ព្រោះតែវាប្លែកជាងអ្វីដែលនាងខ្ញុំធ្លាប់ជួបកាលពីអតីត ដែលអាចចាត់ទុកថា​ជា​ដំណើរកម្សាន្តមួយដ៏ប្លែកបំផុ​ត​។

ចំណុចពិសេសនៃកម្មវិធីដំណើរកម្សាន្ត”សាក​ថ្មជីវិត” នេះ បើតាម រាជិនីក្រមា មាន សូនីតា ប្រាប់ឲ្យដឹងថា កម្មវិធីនេះ បានប្រមូល​ផ្ដុំ​ដោយ​អ្នកដែល​មាន​វិបត្តិ​ផ្លូវ​ចិត្ត ខូច​ចិត្ត ឬ​បាក់​ទឹកចិត្ត នឹង​បញ្ហា​ជា​ច្រើន​នៅ​ក្នុង​ឆាក​ជីវិត។ ក្នុងនោះបានចែករំលែក​នូវបទពិសោធន៍ ក្នុងជីវិត​រវាងគ្នា និងគ្នា ។

តួស្រីក្នុងរឿង «ដើម្បីកូន» បានបន្តថា ក្រៅពីទទួលបានមិត្តភក្តិថ្មី កម្មវិធី​ហ្នឹង ខ្ញុំ​ដូច​រៀន​បាន​​ច្រើន​ទៀត​ពី​រឿង​រ៉ាវ​ជីវិត ដឹង​ពី​របៀប​រស់​នៅ​ប្រឈម​នឹង​បញ្ហា ដែលធ្វើឲ្យយើងរឹងមាំាជាងមុន។​ លើសពីនេះយើងបាន ​ចែក​រំលែក​បទ​ពិសោធន៍​ជីវិត​ដែល​ជួប​បញ្ហា និង​មាន​វគ្គ​ពង្រឹង​ស្មារតី ជា​ដើម។ ទាំងនេះ​វាកាន់តែធ្វើឲ្យយើងរៀបចំខ្លួនយ៉ាងល្អដើម្បីទប់ទល់ជាមួយ​នឹង​បញ្ហា ។​

មាន សូនីតា ថាបន្ថែមថា កម្មវិធីដំណើរកម្សាន្តនេះល្អណាស់ ព្រោះរាល់ថ្ងៃនេះ មនុស្សយើងតែងតែជួបនូវបញ្ហាក្នុងជីវិត តិចឬច្រើន ហើយបើមានកម្មវិធីបែបអ៊ីចឹងៗ ដែលដើរលេងផង រៀនពីជីវិតផង នាងខ្ញុំនឹងបន្តចូលរួមសម្រាប់វគ្គក្រោយៗទៀត ក្នុងករណី បើមានឱកាស។
កញ្ញាថា ​កម្សាន្ត​ចុង​ក្រោយ​ជាមួយ អមតា គឺ​បាន​រៀន​យ៉ាង​ច្រើន​បន្ថែម​ទៀតពី​ជីវិត ដែល​ជា​ចំណុច​សំខាន់​មួយ​ទៀត​។ នាង​ថា ចង់​ជោគជ័យ​លើ​អ្វី​មួយ ផ្ដើម​ចេញ​ពី​ជោគជ័យ​លើ​ការ​ចាត់ចែង​ជីវិត​មុន​សិន ជម្រះ​ចិត្ត​សៅហ្មង​ឲ្យ​ស្អាត ទើប​ធ្វើ​កិច្ចការ​អ្វី​មួយ​បាន​លទ្ធផល​ល្អ។

កម្មវិធី​ដំណើរ​កម្សាន្ត “សាក​ថ្ម​​ជីវិត” រៀប​ចំ​ដោយ​ក្រុម Amata-អមតា បានធ្វើឡើងកាលពីចុងខែមករា ឆ្នាំ២០២១ ដោយមាន​វត្តមាន មាន សូនីតា និងអ្នកចូលរួមផ្សេងទៀតចំនួន ២០នាក់ ។ ដំណើរកម្សាន្តនេះធ្វើដំណើររយៈពេល ២ថ្ងៃ ដោយឆ្ពោះដំណើរទៅកាន់ កន្លែងកម្សាន្តល្បីៗក្នុងទឹកដីខេត្តកំពត ៕

LEAVE A REPLY

Please enter your comment!
Please enter your name here